Universell utforming – oversikt

Det er gjennomført målretta tilsyn, og sakshandsaminga er effektivisert. Gjennom året er det gjennomført ei rekkje tiltak for å spreie informasjon og rettleiing.

Utvida regelverk for offentleg sektor, og delt regelverk for offentleg og privat sektor krev at tilsynet satsar tungt på rettleiing til ulike målgrupper. Slik understøttar vi etterleving og digital deltaking.

Nye statistikk- og analysesider er lansert. Tilsynet samarbeider om regelverk både nasjonalt og internasjonalt, og har dialog med fleire instansar om saker knytta til diskriminering, m.a. av barn og unge i utdanningssektoren.

Det har store konsekvensar å bli stengt ute. Tilsynet bygger kunnskap om brukarar og barrierar som vi formidlar på uutilsynet.no. Slik kan vi bidra til å løfte fram område som krev tiltak.

Tilsynet er i gang med ein digital transformasjon for å førebu handheving av utvida regelverk og auke kontroll og tilsyn basert på effektiv dataprodukson og analyse. Første steg er lanseringa av den sentrale løysinga for tilgjengelegheitserklæring for offentlege verksemder.

Tidsfristen er kort og ei vellukka gjennomføring krev at vi klarer å halde framdriftsplanen. I 2022 vil tilsynet sin kapasitet til å føre tilsyn vere redusert av den digitale transformasjonen frå manuelle metodar til datadrivne kontrollar.